İnsan hüquqları
Ölkəmizdə insan hüquqları sahəsində ilk strateji dövlət sənədi olan “İnsan hüquqlarının müdafiəsinə dair Dövlət Proqramı” Azərbaycan xalqının ümummilli lideri Heydər Əliyev tərəfindən 1998-ci ilin 18 iyun tarixində təsdiq edilib və insan hüquqlarının təmin olunması dövlət siyasətinin əsas istiqamətlərindən biri kimi müəyyənləşdirilib. Bunu nəzərə alaraq, Azərbaycan Respublikasının Prezidenti İlham Əliyevin 2007-ci il 18 iyun tarixli Sərəncamı ilə hər il iyunun 18-i Azərbaycan Respublikasında ” İnsan Hüquqları Günü “ kimi qeyd edilir. Bu münasibətlə şagirdlər divar qəzetləri hazırladılar. Hazırlanan qəzetlər məktəbin foyesində nümayiş etdirildi. Bundan başqa, məktəbin tarix müəllimi Samirə Həmzəyeva şagirdlərə mövzu ilə bağlı görüşlər keçirdi. Diskussiya formatında keçən görüşlərdə Samirə xanım şagirdləri maraqlandıran sualları cavablandırdı.Belə tədbirlərin keçirilməsinin əsas məqsədi insan hüquqlarını və hüquq bərabərliyi üzərində qurulmuş multikulturalizm dəyərlərini şagirdlər arasında təbliğ etmək, eləcə də cəmiyyətdə insan ləyaqətinə hörmətin, insan hüquqlarına əməl olunmasının zəruriliyini önə çəkməklə, şagirdlərdə humanizm keyfiyyətlərini formalaşdırmaqdan ibarətdir.
