Reproduktiv sağlamlıq
“ Reproduktiv sağlamlığın tədrisi “ layihəsi üzrə təlimçi, psixoloq Leyla Hacıyeva məktəbin VI siniflərinin qızları ilə maarifləndirici görüş keçirdi. Görüşün məqsədi gənc nəslin sağlam böyüməsi, onların zərərli vərdişlərdən qorunması, habelə gələcəkdə sağlam ailə qurması üçün uşaq və yeniyetmələr arasında sağlam həyat tərzi və reproduktiv sağlamlıqla bağlı maarifləndirmə işlərini genişləndirməkdən ibarətdir. Seminar zamanı reproduktiv sağlamlıq üzrə şagirdlərə geniş məlumatlar verildi, onlara sanitar-gigiyenik qaydalara əməl etmək və hər cür zərərli vərdişlərdən uzaq olmaq tövsiyə olundu. Leyla xanım bildirdi ki, gələcək nəslin sağlam böyüməsi cəmiyyətimizin ən mühüm məsələsidir.Tədbirin sonunda videoçarx nümayiş etdirildi və şagirdlərin sualları cavablandırıdı.
