Aprel döyüşləri - Qələbənin başlanğıcı
Məktəb kitabxanasında V sinif şagirdlərinin iştirakı ilə ’’Aprel döyüşləri qələbənin başlanğıcı “ mövzusunda tədbir keçirildi. Əvvəlcə kitabxanaçı Yaqut Baxşəliyeva 2016 -ci ilin aprel ayında erməni təcavüzkarlarının atəşkəs rejimini pozması və Azərbaycan Ordusunun həyata keçirdiyi uğurlu əks-hücum hərbi əməliyyatı barədə danışdı, Seysulan məntəqəsi , Füzuli rayonu istiqamətində yerləşən Lələtəpə və Talış kəndi ətrafındakı yüksəkliklərin düşməndən azad edilməsi haqqında geniş məlumat verdi.Qeyd etdi ki, Azərbaycan Ordusu tərəfindən bu hücumun qarşısının alınması, mülki əhalinin təhlükəsizliyinin qorunması məqsədilə Azərbaycan Silahlı Qüvvələrinin komandanlığı tərəfindən Ağdərə-Tərtər-Ağdam və Xocavənd-Füzuli istiqamətində təxirəsalınmaz cavab tədbirlərinin həyata keçirilməsi gənclərin hərbi vətənpərvərlik ruhunu daha da yüksəltdi. Bu uğurlu döyüşlər Silahlı Qüvvələrimizin gələcəkdə qazanacağı qələbələrin yalnız başlanğıcı oldu. Daha sonra şagirdlərin ifasında şeirlər səsləndirildi, Aprel döyüşləri zamanı şəhid olan igidlər barədə məlumatlar verildi.
