Müstəqilliyimiz milli sərvətimizdir
Oktyabrın 18 – də məktəbin UBTR Samirə İbrahimovanın təşkilatçılığı ilə “18 oktyabr Dövlət Müstəqillik Günü”nə həsr edilmiş “Müstəqilliyimiz milli sərvətimizdir” adlı dəyirmi masa keçirildi. Dövlət himninin səslənməsindən sonra məruzə edən Samirə İbrahimova bu günün mühüm tarixi əhəmiyyətindən danışdı, Ümummilli lider Heydər Əliyevin zəngin siyasi təcrübəsinin, yüksək idarəçilik bacarığının, vətənə olan tükənməz sevgisinin Azərbaycanın dövlət müstəqilliyinin bugünkü uğurları üçün təməl olduğunu vurğuladı.
Dəyirmi masa 6 – cı sinif şagirdlərinin hazırladıqları divar qəzetləri və təqdimatların nümayişi, məlumatların, şeir və mahnıların təqdimatı ilə davam etdirildi.
Sonda “18 oktyabr Dövlət Müstəqillik Günü”nə həsr olunmuş videoçarx nümayiş olundu.
