Təmayül siniflərdə monitorinq
Məktəbin fəaliyyət planının 1.1.25 – ci bəndinə əsasən oktyabrın 26 – da texniki, humanitar və riyaziyyat – iqtisadiyyat təmayüllü X siniflərdə tədrisin keyfiyyətinin izlənilməsi məqsədilə monitorinq keçirildi. Təmayül siniflərdə fənlər üzrə şagirdlərin bilik, bacarıq, vərdişlərə yiyələnmə səviyyəsinin, eləcə də tədris prosesində müasir təlim metod və texnologiyalarının tətbiqi vəziyyətinin, müəllimlərin pedaqoji səriştəlik və peşəkarlıq səviyyəsinin öyrənilməsi məqsədilə keçirilən monitorinqdə şagirdlərin sərbəst işi təmin olundu.
