Azərbaycanda dini radikalizm və onlara qarşı mübarizə
26 dekabr 2017 – ci il tarixində Binəqədi rayonu 283 № - li tam orta məktəbdə “Dini radikalizm və onlara qarşı mübarizə“ mövzusunda seminar keçirildi.
Seminarda Dini Qurumlarla İş üzrə Dövlət Komitəsinin sədr müavini Gündüz İsmayılov, Binəqədi Rayon İcra Hakimiyyəti başçısı Aparatının ictimai – siyasi və humanitar məsələlər şöbəsinin müdiri Elman Dadaşov, məktəbin müəllimləri, valideynlər, şagirdlər iştirak etdilər.
Tədbiri giriş sözü ilə açan məktəbin direktoru Tünzalə Zeynalova “Dini radikalizm və onlara qarşı mübarizə “ mövzusunda seminarın məktəblərdə keçirilməsinin yeniyetmələrin maariflənməsi, milli - mənəvi dəyərlərin, ölkədə mövcud sabit mühitin qorunması və təbliği, dini radikalizm meyillərinin qarşısının alınması baxımından mühüm əhəmiyyət kəsb etdiyindən danışdı.
Dini Qurumlarla İş üzrə Dövlət Komitəsinin sifarişi ilə çəkilən, gənclərin vətənpərvərlik ruhunda tərbiyəsinə töhfə olan, eləcə də dini fanatizm, radikalizm və ekstremizm meyillərinə qarşı olan “ Şəhadət “ filmi nümayiş etdirildi.
Dini Qurumlarla İş üzrə Dövlət Komitəsinin sədr müavini Gündüz İsmayılov məruzə edərək ölkədəki dini durumdan , dini icmaların fəaliyyətindən , dövlət – din münasibətlərindən və ölkədə dini radikalizmin yayılmasının qarşısının alınması üçün mühüm tədbirlərin keçirildiyindən söz açdı. Mövzunun aktuallığını qeyd edərək şagirdlərin bu istiqamətdə maariflənməsinin böyük əhəmiyyətini vurğuladı.
Binəqədi Rayon İcra Hakimiyyəti başçısı Aparatının ictimai – siyasi və humanitar məsələlər şöbəsinin müdiri Elman Dadaşov çıxış edərək Azərbaycan dövlətini və cəmiyyətini dini radikalizmin təhlükəsindən qorumaq, şagirdlərin dini cərəyanların təsiri altına düşməməsi üçün bu cür maarifləndirici tədbirlərin mütəmadi keçirilməsinin vacibliyindən danışdı.
Sonda mövzu ilə bağlı müəllim və şagirdləri maraqlandıran suallar cavablandırıldı.
