IV siniflərdə fiziki tərbiyə dərsləri dinlənildi
20 oktyabr 2017 – ci il tarixində məktəbin IV siniflərində “Hərəkətin reaksiya tezliyinin inkişaf etdirilməsi” mövzusunda dərslər dinlənildi. İdman zalında, idman meydançasında, sinifdə keçirilən dərslərdə sinif müəllimləri şagirdlərə qısa məsafəyə estafet yarışları, qısa mərhələli kombinləşmiş estafetlər haqqında məlumat verdilər. 4a sinfində isə fiziki tərbiyə dərsi “Şahmat oyununa” həsr olundu. Şagirdlər şahmat oyunu haqqında bilgilərini nümayiş etdirdilər. Sonra sinif şagirdləri 5 qrupa bölünərək şahmat taxtası üzərində yarışa başladılar. Dərsin ümumiləşdirici mərhələsi hər komandadan olan qalib şagirdlərin təqdimatı oldu.
