Ədəbiyyatdan sağlam düşüncəyə
“Təhsili Dəyərə Çevirək” devizi altında “Ekologiya və Sağlamlıq” istiqamətində “Ekoloji aylıqlar” layihəsi çərçivəsində “Ayın ən sağlam məktəbi” olmaq üçün məktəbin bütün fənn müəllimləri fəal iştirak edirlər. 23 may 2017 – ci il tarixində VI sinif şagirdləri Ədəbiyyat dərsində “Ədəbiyyatdan sağlam düşüncəyə” mövzusu ətrafında müzakirələr apardılar. Ədəbiyyat fənninin sağlam düşüncənin formalaşmasında mühüm rolu olduğu şagirdlərə aşılandı. Şagirdlər böyük mütəfəkkirlərin, klassiklərin həyatına və əsərlərinə nəzər salaraq sağlam düşüncənin sağlam cəmiyyətin formalaşmasında nə qədər vacib olduğunu dərk etdilər. Sağlam düşüncənin formalaşmasında Ədəbiyyat fənninin böyük rolu olduğunu bir daha təsdiqlədilər.
