5 yaşlılar məktəbdə
Oktyabrın 1 – də məktəbdə fəaliyyət göstərən məktəbəhazırlıq qruplarında ilk dərs günü başladı. Məktəblər qapılarını təhsil üçün ilk addım kimi xüsusi yükü özündə daşıyan məktəbəhazırlıq qruplarına - 5 yaşlıların üzünə açdı. Məktəbəhazırlıq qruplarının yaradılmasında məqsəd uşaqların psixoloji dayanıqlığını yaratmaq, onların ətraf aləmə, təhsil mühitinə uyğunlaşmasına dəstək olmaqdır. Onlarda həmçinin ünsiyyət, birgə fəaliyyət bacarıqlarını inkişaf etdirməkdir. Məktəbəhazırlıq qruplarında gündə 3 məşğələ saatı olmaqla ümumilikdə həftə ərzində 12 saat məşğələ olur.
2024 – 2025 – ci tədris ilində məktəbdə ümumilikdə 5 məktəbəhazırlıq qrupunda 117 nəfər (4 Azərbaycan bölməsi üzrə – 97 nəfər, 1 rus bölməsi üzrə – 20 nəfər) təhsil alacaq.
