Qarabağ xalçaları və bədii tikmələr
Azərbaycan xalq sənətinin bir qolu olan xalçaçılıq xalqımızın milli mədəniyyət tarixində xüsusi yer tutur. Hamı tərəfindən sevilən incəsənətin bu növü əsrlərlə nəsildən – nəslə qayğı ilə ötürülmüşdür.
Mayın 18 - də məktəbin müəllim, valideyn, şagirdlərinin təşəbbüsü və iştirakı ilə Qarabağ xalçalarının və XIX – XX əsrləri əhatə edən bədii tikmələrin nümayişi maraqla qarşılandı.
Tədbirdə gənclərimizə milliliyimizi yaşadan hər bir sənət nümunəsinin qorunması təbliğ edildi, çünki bu əsərlərdə bizim kimliyimiz, tariximiz yaşayır. Məktəblilərin hazırladıqları səhnəciklər, şeirlər və musiqilər alqışlarla qarşılandı.
