“Narkomaniyaya qarşı mübarizə” adlı maarifləndirici görüş
Dekabrın 14 – də məktəbin akt zalında mövcud pandemiya qaydalarına əməl etməklə Binəqədi rayon polis idarəsinin və 5 – ci polis bölməsinin əməkdaşlarının iştirakı ilə 9, 10, 11 – ci sinif şagirdləri ilə “Narkomaniyaya qarşı mübarizə” adlı maarifləndirici görüş keçirildi. Görüşün keçiriməsində məqsəd məktəbliləri sağlam həyat tərzinə təşviq etmək, narkomaniya, tütün, alkoqol və digər psixatrop maddələrin mənfi təsiri ilə bağlı bilikləndirmək və bu sahədə davranışlarını təkmilləşdirməkdir.
Narkomanların taleyi, narkomaniyanın fəsadları, sosial təsirləri və ondan qorunmağın yolları barədə məlumatlar şagirdlərin diqqətinə çatdırıldı.
Sonda mövzu ətrafında şagirdlərlə fikir mübadiləsi aparılmış, onları maraqlandıran suallar cavablandırılmışdır.
