Təhsil işçilərinə təltiflər təqdim edilib

Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil məktəblərində çalışan bir qrup təhsil işçisinin təltifləri təqdim edilib.

Tədbirdə BŞTİ-nin müdiri Mehriban Vəliyeva, İdarənin müvafiq struktur bölmə rəhbərləri, məktəb direktorları və müəllimlər iştirak ediblər.

Xüsusi missiya daşıyıcısı olan müəllimin üzərinə düşən vəzifələrin məsuliyyətindən söz açan BŞTİ-nin müdiri Mehriban Vəliyeva təhsilin inkişafındakı xidmətlərinə görə və 5 oktyabr-Beynəlxalq Müəllimlər Günü münasibətilə İdarənin tabeliyindəki ümumi təhsil müəssisələrinin təltif olunan müəllimlərini təbrik edib. İdarə müdiri ölkəmizdə təhsil işçilərinin fəaliyyətinə göstərilən diqqət və qayğıdan danışıb. Bildirib ki, Prezident İlham Əliyevin siyasəti sayəsində ardıcıl şəkildə həyata keçirilən islahatlar bu vacib strateji sahənin tərəqqisinə güclü təkan verib, ölkə təhsilinin qabaqcıl təhsil ənənələrinə inteqrasiyasına əlverişli imkan yaradıb.

BŞTİ müdiri M.Vəliyeva qeyd edib ki, dövlət tərəfindən məktəbə, təhsilə, müəllimə yaradılmış şərait təhsil işçilərini daha da ruhlandırır, öz fəaliyyətlərinə daha yaradıcı yanaşmağa sövq edir.

Daha sonra uğurlarına və səmərəli fəaliyyətinə görə fərqlənən təhsil işçilərinə, eləcə də Vətən Müharibəsində iştirak edən qazi müəllimlərə Təhsil Nazirliyinin “Azərbaycan Respublikası qabaqcıl təhsil işçisi” döş nişanı və Fəxri Fərmanı təqdim olunub. Məktəbin təlim tərbiyə işləri üzrə direktor müavini Svetlana Kərimova da Fəxri Fərmanla təltif olunub.

Bu təltif münasibətilə Svetlana Kərimovanı təbrik edir, uğurlar arzu edirik.

 

  • h.a
  • i.a
  • fond
  • bakuedu
  • virtual_qarabaq
  • virtual_qarabaq
  • kurrikulum
  • MƏNİM MƏKTƏBİM