“Great Victory!” – “Böyük Qələbə!”
Noyabrın 5 – də məktəb rəhbərliyi və ingilis dili müəllimlərinin birgə təşkilatçılığı ilə “Great Victory!” – “Böyük Qələbə!” adlı ümümməktəb tədbiri keçirildi.
Tədbir Azərbaycan Respublikasının Dövlət Himninin səsləndirilməsi ilə başlandı. Müxtəlif siniflərdən olan şagirdlər ingilis dilində işğaldan azad olunan torpaqlarımız haqqında məlumat verdilər, şeirlər söylədilər, adlarını qızıl hərflərlə tarixə yazdıran cənnət qoxulu şəhidlərimizin qəhrəmanlıqları haqqında topladıqları informasiyaları qürur hissi ilə tədbir iştirakçılarına təqdim etdilər.
Sonda çıxış edən məktəb rəhbərliyi Azərbaycan Prezidenti, Silahlı Qüvvələrin Müzəffər Ali Baş Komandanı İlham Əliyevin, tarix yazan qəhrəmanlarımızın və xalqımızın sayəsində əldə etdiyimiz qələbə ilə fəxr etdiklərini tədbir iştirakçılarının diqqətinə çatdırdı.
