Ən yaxşı təqdimat
Onlayn keçirilən “Ən yaxşı təqdimat” müsabiqəsində fərqlənən paytaxt məktəbliləri mükafatlandırılıb.
Tədbirdə Bakı Şəhəri üzrə Təhsil İdarəsinin (BŞTİ) müdiri Rəşad Tağıyev və idarənin struktur bölmə rəhbərləri iştirak edib.
BŞTİ-nin müdiri Rəşad Tağıyev çıxış edərək müsabiqənin müstəqil Azərbaycan dövlətinin qurucusu, dahi siyasətçi və qüdrətli dövlət xadimi Heydər Əliyevin zəngin irsinin, şərəfli həyat və fəaliyyətinin gənc nəsil tərəfindən davamlı olaraq öyrənilməsi məqsədilə keçirilən mühüm tədbirlərdən biri olduğunu vurğulayıb və qalibləri təbrik edib onlara uğurlar arzulayıb.
İdarə müdiri ümummilli lider Heydər Əliyevin anadan olmasının 97-ci ildönümü ilə əlaqədar təşkil edilən müsabiqənin mövcud sanitar-epidemioloji vəziyyət nəzərə alınaraq onlayn şəkildə-videotəqdimat formasında keçirildiyini bildirib.
R.Tağıyev təhsilin inkişafının hər zaman ulu öndərin genişmiqyaslı fəaliyyətində prioritet istiqamət kimi mühüm yer tutduğunu və bu sahədə inkişaf strategiyasının ölkə Prezidenti cənab İlham Əliyev tərəfindən uğurla davam etdirildiyini vurğulayıb.
Qeyd edək ki, IX-XI sinif şagirdləri arasında təşkil olunan “Ən yaxşı təqdimat” müsabiqəsinin nəticələrinə əsasən, BŞTİ-nin tabeliyindəki məktəblər üzrə 8 nəfər II, 3 nəfər III dərəcəli diplomla, 1 nəfər isə “Tərifnamə” ilə təltif olunub. Məktəbin məzunu Reyhan Camalova II dərəcəli diploma layiq görülüb.
Müsabiqə qaliblərinə diplomlar və qiymətli hədiyyələr təqdim olunub.
Məktəbin məzununu təbrik edir və uğurlar arzulayırıq.
