SURAXANI RAYONUNDA NOVRUZ ŞƏNLİYİ
15 mart 2016-cı il tarixdə ilaxır çərşənbəsi günü Suraxanı rayon İcra Hakimiyyətinin və Bakı şəhər Mədəniyyət və Turizm İdarəsinin birgə təşkilatçılığı ilə milli adət-ənənələrimizi özündə yaşadan Novruz bayramı münasibəti ilə “Atəşgah Məbədi” Tarix-Memarlıq Qoruğunda ümumrayon bayram şənliyi keçirilmişdir. Bayram şənliyində tanınmış incəsənət ustaları, rayonun mədəniyyət ocaqlarının bədii özfəaliyyət kollektivləri xalqımızın adət-ənənələrini, qədim el sənətlərini nümayiş etdirdilər. Tədbirdə 275 saylı orta məktəbin pedaqoji heyəti və şagirdləri iştirak etdilər. Bu əziz bayramı Suraxanı sakinləri böyük sevinc və fərəhlə qeyd etdilər.
