- Elnur Hüseynov İsmayıl
- Vəzifə: Direktor
- Fənn: Azərbaycan tarixi, Tarix, Qarabağ tarixi
- Bitirdiyi təhsil müəssisəsi: Lənkəran Dövlət Universiteti
- Təvəllüd: 12.04.1976
- İlk fəaliyyət ili: 15.07.2019
- E-mail: [email protected]
Hüseynov Elnur İsmayıl oğlu 1976-cı ilin aprelin 12-də Lənkəran rayonu Şaqlaser kəndində ziyalı ailəsində dünyaya gəlmişdir. 1994-2000-ci illərdə Lənkəran Dövlət Universitetində Tarix ixtisası üzrə bakalavr və magistratura pilləsində ali təhsil almış və universiteti qırmızı diplomla başa vurmuşdur. 2001-2003-cü illərdə Azərbaycan Milli Elmlər Akademiyasının A.A. Bakıxanov adına Tarix İnstitutunun aspiranturasında təhsil almışdır. 2004-2005-ci illərdə həqiqi hərbi xidmətdə olmuşdur. 2011-ci ildə Tarix üzrə fəlsəfə doktoru alimlik dərəcəsini almışdır. Pedaqoji fəaliyyətinə 1998-ci ildə doğma məktəbi Şaqlaserdə başlamış, 2001-ci ildən isə AMEA-nın Tarix İnstitutunda kiçik elmi işçi, daha sonra elmi işçi kimi çalışmışdır. Tarix İnstitutunda işlədiyi müddətdə Bakı Məktəbəqədər Pedaqoji Texnikumunda (2003), Qərb Universiteti nəzdində Orta Məktəbdə (2008-2009) ixtisası üzrə müəllim işləmişdir. 2011-ci ilin sentyabrından etibarən sırf təhsil sahəsində çalışmağa başlayaraq Avropa Azərbaycan Məktəbində (2011-2012), 22 №li orta məktəbdə (2013), Xəzər Universiteti Dünya Məktəbində (2013-2015), Xəzər Universitetində (2014) tarix müəllimi kimi fəaliyyət göstərmişdir. 2015-ci ilin sentyabrından Sabunçu rayonu X.Vəliyev adına 75 №li tam orta məktəbə direktor vəzifəsinə təyin olunmuşdur. 2009-2015-ci illər arasında Azərbaycanın müxtəlif bölgələrində müəllimlərə, müəllimlərin peşəkarlıq səviyyəsinin təkmilləşdirilməsi, fənn kurikulumlarının tədrisi, fəal-interaktiv təlim kimi təlimləri tədris etmişdir. İyirmidən artıq elmi məqalənin, “Azərbaycan Nadir şah Əfşarın hakimiyyəti dövründə” monoqratiyasının müəllifi, Azərbaycan Respublikası Təhsil Nazirliyinin 28.04.2015-ci il tarixli 469 nömrəli əmri ilə təsdiq edilmiş ümumtəhsil məktəblərinin 7-ci sinif üçün “Ümumi Tarix” dərs vəsaitinin (dərslik komplektinin), Ümumtəhsil məktəblərinin 10-cu sinif üçün Ümumi tarix və Azərbaycan Tarixi fənni üzrə dərslik və metodik vəsaitlərinin həmmüəllifidir.Bununla yanaşı Ümumtəhsil məktəblərinin 11-ci sinif üçün Ümumi tarix və Azərbaycan Tarixi fənni üzrə dərslik və metodik vəsaitlərinin həmmüəllifidir. Azərbaycanda, Rusiyada, Türkiyədə və İranda keçirilən beynəlxalq elmi praktik konfranslarda çıxışlar etmişdir. Ailəlidir, iki övladı var.
