275 №-li tam orta məktəb

20 Yanvar faciəsinin otuz birinci ildönümü münasibətilə müxtəlif siniflərdə distant formada sinif təşkilat saatları təşkil olunub. Faciə qurbanları yad edilib, şəhidlik zirvəsinə ucalan şəhidlərin mərdliyindən bəhs olunub.

 20 Yanvar faciəsinin otuz birinci ildönümü münasibətilə distant formada rəsm sərgisi təşkil olunub.

Yanvarın 19-da məktəbin ibtidai sinif müəllimi Leyla Məmmədovanın rəhbərliyi ilə 1 "C" sinfində 20 Yanvar faciəsinin 31-ci ildönümünə həsr olunmuş tədbir təşkil olunub.Tədbirdə şagirdlərin ifasında faciəni əks etdirən şeirlər səsləndirilib, mahnılar ifa olunub.Tədbir boyu fonda 20 Yanvar hadisələrini əks etdirən slaydlar, videoçarxlar nümayiş etdirilib.20 Yanvar hadisəsinin xalqımızın tarixinə həkk olunmuş ən qanlı faciələrdən olduğu və faciə şəhidlərinin hər zaman xalqımızın xatirəsində qəhrəman kimi qalacaqları bildirilib.

Ayrı-ayrı fənnlər üzrə xüsusi istedadı olan şagirdlərin aşkarlanması, onların bilik və bacarıqlarının qiymətləndirilməsi, şagirdlərin həmin fənnlərə olan maraqlarının artırılması məqsədilə yanvarın 16- da fənn olimpiadasının məktəb turu təşkil olunub.

Yanvarın 19-da ümumi təhsil müəssisələri və uşaq-gənclər inkişaf mərkəzlərində ilk dərs və məşğələlər 20 Yanvar hadisələrinin otuz birinci ildönümünə həsr edilib.

Bakı Şəhəri üzrə Təhsil İdarəsinin “20 Yanvar faciəsinin otuz birinci ildönümünün keçirilməsi ilə bağlı Tədbirlər Planı”nın təsdiq edilməsi barədə əmrinə əsasən keçirilən onlayn dərslərdə ilk olaraq xalqımızın azadlığı uğrunda canlarını qurban vermis Vətən övladlarının xatirəsi bir dəqiqəlik sükutla yad edilib.

Onlayn dərsləri tədris edən müəllimlər Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olmuş 1990-cı ilin 20 Yanvar hadisələri barədə söhbət açıblar. Eləcə də 20 Yanvar hadisələrinin nəticələrindən, şəhid kimi əbədiyyətə qovuşan Vətən övladlarının şücaətindən, ulu öndər Heydər Əliyevin həmin tarixi dönəmə verdiyi siyasi qiymətdən, Prezident İlham Əliyevin rəhbərliyi altında şəhid ailələrinə dövlətimizin qayğısından bəhs olunub. Qeyd edilib ki, bu gün şəhidlərimizin ruhu şaddır, çünki işğal altında olan torpaqlarımız düşməndən azad edilib, onların başladığı mübarizə yolu tam qələbə ilə başa çatıb.

Həmçinin Tədbirlər Planına əsasən, təhsil müəssisələrində 20 Yanvar hadisələrinin otuz birinci ildönümünə həsr olunmuş foto və rəsm sərgisi, ədəbi-bədii kompozisiyalar təşkil olunub, seminar və mühazirələr keçirilib.