“Erkən nikah və onun fəsadları” mövzusunda maarifləndirici tədbir keçirilib
Gələcək ailələrin sağlam təməllər üzərində qurulmasında gənclərin böyük rolu var. Erkən nikahlar daha çox bilgisizlikdən irəli gəlir. Gənclər arasında maarifləndirmənin əsas məqsədi erkən nikahın qanun pozuntusu olmaqla yanaşı, həm də insan psixologiyasına, xüsusilə də azyaşlı qızların sağlamlığına təhlükə yaratdığını və böyük fəsadlara yol açdığını aşılamaq idi.Suraxanı rayon İcra Hakimiyyətinin nümayəndəsi Hüseynov Anar, Suraxanı rayonu 3 nömrəli Doğum evinin baş həkimi, Tibb elmləri üzrə fəlsəfə doktoru Ümmi Ələkbərova bu mövzu ətrafında geniş məlumat verdilər.
Erkən nikah probleminin yaranma səbəbləri və ağır nəticələrindən söz açan mühazirəçilər belə halların qarşısını maariflənmək və savadlanmaqla almağın mümkünlüyünə diqqət çəkib.
