275 SAYLI ORTA MƏKTƏBDƏ " 20 YANVAR QAN YADDAŞIMIZ" ADLI TƏDBİR VƏ DƏYİRMİ MASA KEÇİRİLDİ.
Məktəbdə ibtidai və yuxarı sinif şagirdləri ilə birgə "Qanlı 20 Yanvar" mövzusu haqqında tədbir və dəyirmi masa keçirildi. 20 yanvar faciəsi ilə əlaqədar keçirilən toplantıda faciə günü baş verən hadisələrdən danışıldı. Toplantıda məktəbin direktoru, TTİ üzrə direktor müavinləri, tarix müəllimləri, ibtidai sinif müəllimləri faciənin səbəbləri və nəticəsi haqqında ətraflı məruzə etdilər. Şagirdlər göstərdi ki, 20 yanvar faciəsi öz azadlığına, müstəqilliyinə can atan xalqımızın həm də mübarizliyini, əyilməzliyini,məğrurluğunu, azadlıq üçün ölümündən qorxmadığını nümayiş etdirir. Şagirdlər mövzu ətrafında hazırladıqları video görüntüləri nümayiş etdirdilər.
