"ANA GÖZLƏRİ" adlı açıq dərs təqdim olundu
7 e sinfi rus dili müəllimi Ziyafət İsmayılovanın iştirakı ilə açıq dərsdə iştirak etdilər. Dərs "ANA GÖZLƏRİ" adlanırdı.
Dünyada ən uca zirvədir Ana. Deyirlər ki, ana ürəyindən qopan laylalar həyatın ən şirin təranəsidir. Bu təranənin ahəngindəki mənalar min-min arzunun səsidir. Bəlkə də ona görə bəşər var olan gündən ananın ünvanına həmişə xoş sözlər qanadlanıb. Ana o qədər ilahi və müqəddəs varlıqdır ki, vətəni də onun ismi ilə "Ana vətən" adlandırırlar. Şifahi xalq ədəbiyyatında, folklor nümunələrində, dastanlarda, bayatılarda, el nəğmələrində ana olduqca müqəddəs bir varlıq kimi vəsf olunub.
Açıq dərsdə ətraflı və maraqlı diskusiyalar aparılıb. Dərsindinləmədə iştirak edən müəllimlər açıq dərsin müzakirəsi zamanı müəllimənin qarşısına qoyduğu məqsədə nail olduğunu bildiriblər və 7 e sinfinə gələcək fəaliyyətlərində uğurlar arzulayıblar.
