Müasir müstəqil Azərbaycanın qurucusu, ulu öndər Heydər Əliyevə ümumxalq məhəbbəti
Hər bir kəs ilk növbədə öz xalqı, vətəni ilə tanınır. Elə nadir insanlar da var ki, onlar mənsub olduğu xalqı, vətəni tanıdır, şöhrətləndirirlər. Belə insanlar seçilmiş şəxsiyyətlərdir və xüsusi missiyası olan liderlərdir. Ümummilli liderimiz Heydər Əliyev məhz belə şəxsiyyətlərdəndir. Görkəmli dövlət xadimi, dünya miqyaslı siyasətçi, Azərbaycan Milli dövlətçiliyini bütün təhlükələrdən xilas edib qoruyan və inkişaf etdirən qüdrətli şəxsiyyət kimi Heydər Əliyevin həyat və fəaliyyəti müasir tariximizin ən mühüm və şərəfli mərhələsini təşkil edir. Respublikamızda Ulu Öndərin anadan olmasının 95-ci ildönümünə həsr edilmiş bir neçə tədbirlər, dəyirmi masalar təşkil olunub.
275 nömrəli məktəbin 4 c sinif şagirdləri Ümummilli lider Heydər Əliyevin 95 illik yubileyi ilə əlaqədar Fəxri Xiyabanı ziyarət ediblər. Ziyarətin məqsədi Heydər Əliyev irsinin öyrənilməsi, yeni nəslin milli-mənəvi dəyərlər və ənənələrlə bağlı ruhda böyüməsi, Azərbaycan və dünya tarixi, mədəni və elmi-texniki tərəqqi barədə biliklərinin artırılması məqsədi daşıyır.
