TARİX FƏNNİNDƏN NÖVBƏTİ BİLİK YARIŞMASI KEÇİRİLDİ
Hər bir fənnə maraq yaratmaq üçün müəllim ilk öncə fənnini müxtəlif metodlarla sevdirməyi bacarmalıdır. Məktəbin direktoru Fəridə Şərifova şagirdlərdə hər bir fənnə yüksək həvəs, istək, maraq yaratmaq üçün intellektual yarışlar təşkil edib. Məktəb direktorunun bu addımı həm siniflər arasında rəqabət, fənnə qarşı biliklərin artırılması yollarını inkişaf etdirmək, həm də fənn müəllimləri arasında şagirdlərinin yüksək nəticəsini görüb ruhlandırıcı hisslər yaranmasına səbəb olur. Növbəti dəfə məktəbin 6-cı sinif şagirdləri arasında tarix fənnindən bilik yarışması keçirildi. Qalib 6 a, II yer isə 6 d sinfi oldu.
