"Sağlam Təhsil" sinfinin balaca vətənpərvərləri
Hər bir sağlam, azad yaşamağa qadir xalqda milli mənsubiyyət, vətən hissi ən üstün bir dəyərdir. Məktəbin 2017/2018-ci dərs ilinin Fəaliyyət planına əsasən (1.3.1.2 ) şagirdlərdə dövlət rəmzlərinə,vətənpərvərlik,milli mənəvi dəyərlərimizə hörmət hissinin aşılanması ilə əlaqədar tariximizin şanlı səhifələrindən biri olan "Bayraq günü" münasibətilə məktəbdə silsilə tədbirlər davam edir. Bugün həmçinin 2 b və 3 a "Sağlam təhsil" sinfində maraqlı dərs təqdim olundu. Dərs milli qürurumuz olan bayrağımıza həsr olundu. Şagirdlər Dövlət himni səsləndirdikdən sonra ən mühüm dövlət atributu sayılan üçrəngli bayrağımız, onun tarixi, rənglərinin mənası, Dövlət bayrağının əhəmiyyəti barədə geniş məlumat verdilər.
