Məktəbdə "Multikulturalizm" haqqında mühazirə keçirildi
Bilik Fondu Bilik Günündə 150-dən çox təhsil ocağında mühazirələr təşkil etdi. Azərbaycan xalqı tarixən multikultural ənənələrə və tolerantlığa sadiq mövqedə duraraq birgə yaşadığı bütün xalqların mədəniyyətinə, dininə, dilinə və adət-ənənələrinə hörmətlə yanaşıb. Ümummilli lider Heydər Əliyev Azərbaycanın hərtərəfli inkişafı naminə əsrlər boyu yaranan çoxmədəniyyətlilik və bəşərilik ənənələrini inkişaf etdirərək ölkəmizdə daha dərin köklər atmasına zəmin yaradıb. Ulu Öndər Azərbaycan multikulturalizminin siyasi banisidir. Multikulturalizm Azərbaycanda həyat tərzidir. Düzdür, bu termin nisbətən yenidir. Ancaq əsrlər boyu Azərbaycanda multimədəniyyətli cəmiyyətlər mövcud olub. Xalqlar arasındakı dostluq və həmrəylik bunun bariz nümunəsidir”. Bugün də Azərbaycan Respublikasının Prezidenti yanında Bilik Fondunun nümayəndəsi Kamal bəy 275 saylı məktəbdə bu movzuda şagirdlərə mühazirə söylədi.
