Şagirdlərin sağlamlığının qorunması sahəsində aparılan işlər və təlim-tərbiyə şəraiti ilə tanışlıq mövzusunda monitorinq
Sağlam həyat tərzi hər bir insanın öz sağlamlığını yaxşılaşdırmağa, xəstəliklərin profilaktikasina və keyfiyyətli həyat qurmağa yönəlmiş yaşam formasıdır. Sağlamlıq tək hər bir insanın yox , həmçinin bütün cəmiyyətin qiymətsiz varlığıdır. Oktyabrın 25-də məktəbimizdə Rusiya Federasiyası Tibb Elmləri Akademiyası Uşaq və Yeniyetmələrin Sağlamlığı və Gigiyenası Elmi Tədqiqat İnstitutunun əməkdaşları tərəfindən "Məktəblərdə təhsil alanların sağlamlığının qorunması sahəsində aparılan işlər və təlim-tərbiyə şəraiti ilə tanışlıq" mövzusunda monitorinq keçirildi. Qonaqlar professor Pyotor İvanoviç,Marina Albertovna, Evgeniya Dmitriyevna 5,9 və 11-ci siniflərdə sağlamlıq və həyat tərzi ilə bağlı anket sorğusu apardılar. Monitorinq zamanı qonaqları "Sağlam Təhsil" layihəsinin əməkdaşı Zöhrə xanım müşayiət edirdi.
