275 №-li tam orta məktəb

6 noyabr 2024-cü il tarixində Ələkbər Eyvazov adına 275 nömrəli tam orta məktəbdə "Korrupsiyaya qarşı birgə mübarizə aparaq!" adlı tədbir keçirildi. Tədbirdə məktəbin direktoru Elnur Hüseynov çıxış etdi. Direktor nitqində məktəbdə baş verə biləcək korrupsiya hallarından da danışdı və bunun yol verilməz olduğunu bildirdi. “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı” çərçivəsində görülən işlər və bu istiqamətdə həyata keçirilən tədbirlər, fərqli fəaliyyət istiqamətləri olan müxtəlif qurumların korrupsiyaya qarşı mübarizə səylərini birləşdirməyə xidmət edir, eləcə də korrupsiyaya qarşı mübarizənin bütün dövlət strukturları və vətəndaş cəmiyyəti institutları ilə birgə sistemli və əlaqəli şəkildə gerçəkləşdirilməsinə imkan yaradır. O, çıxışında bildirdi ki , korrupsiya cəmiyyətin hər bir sahəsində inkişafa mane olan əsas faktorlardan biridir. Toplumun mütərəqqi inkişafına mənfi təsir göstərir, iqtisadi və sosial tərəqqiyə ciddi təhlükə yaradır, insan hüquq və azadlıqlarının pozulmasına gətirib çıxarır. Korrupsiyanın mövcud olması milli və ümumbəşəri dəyərlərə xələl gətirməklə yanaşı, demokratik və hüquqi dövlət strukturuna zərbə vurur. Korrupsiya halları dürüstlük, ədalət dəyərlərinə ziddir və zamanla sosial inamı azaldır, cəmiyyətin rifahını təhdid edir, sosial-iqtisadi inkişafa mane olan cinayət əməli kimi qiymətləndirilir.

Sonda korrupsiyaya qarşı mübarizə mövzusunda suallar cavablandırılıb