"AİLƏM VƏ MƏKTƏBİM" LAYİHƏSİ ÇƏRÇİVƏSİNDƏ VALİDEYNLƏRLƏ GÖRÜŞ KEÇİRİLDİ
"AİLƏM VƏ MƏKTƏBİM" LAYİHƏSİ ÇƏRÇİVƏSİNDƏ VALİDEYNLƏRLƏ GÖRÜŞ KEÇİRİLDİ
"Ailəm və məktəbim" layihəsi çərçivəsində məktəbin psixoloqu Səmra Bağıyeva və sinif rəhbəri Ruqiyyə Bayramova tərəfindən VII b sinif şagirdlərinin valideynləri ilə "Valideynlərin təklif və fikirlərinin öyrənilməsi" mövzusunda görüş keçirilib. Görüşün keçirilməsinin əsas məqsədi cəmiyyətin təməlini təşkil edən, dəyərlərini yaşadan ailələr və məktəb arasında səmərəli əməkdaşlığı təşviq etməkdən ibarət olub. Psixoloq qeyd edib ki, ailədə yaranan psixoloji iqlim insanın xoşbəxtliyinin və rifahının əsas meyarıdır. Valideynlər övladları ilə olan problemlərdən danışıb, psixoloqla birgə həlli yollarını müzakirə ediblər.
