“Narkomaniyaya yox deyək” mövzusunda tədbir keçirilib
Məktəbin Fəaliyyət Planında göstərildiyi kimi (1.3.4) "Yeniyetmələr arasında narkomaniya və alkoqolizm meyllərinin,hüquq pozuntuları və cinayətkarlıq hallarının qarşısının alınması" məqsədilə 275 saylı orta məktəbdə tədbir keçirildi. Suraxanı rayon hüquq mühafizə orqanının əməkdaşı öz çıxışında yetkinlik yaşına çatmayanların işləri və hüquqlarının müdafiəsi üzrə komissiya tərəfindən təlim-tərbiyə müəssisələrində, məktəblərdə aidiyyəti təşkilatlarla birlikdə müntəzəm olaraq uşaq və yeniyetmələr arasında narkotik vasitələrin və psixotrop maddələrin qeyri-qanuni dövriyyəsinə qarşı profilaktik tədbirlər görüldüyü qeyd etdi. Sonda məktəbin direktoru narkomaniya ilə mübarizə məqsədilə uşaq və yeniyetmələrin məlumatlandırılmasının və əhalinin maarifləndirilməsinin vacibliyi haqqında danışdı.
