Şagirdlər Şəhidlər Xiyabanını ziyarət etdilər
1990-cı il yanvarın 19-dan 20-nə keçən gecə o zamankı SSRİ rəhbərliyinin göstərişi ilə Bakıya 35 minlik sovet ordusu və ağır texnika yeridilməsi nəticəsində 134 mülki şəxs öldürülüb, 700-dən çox insan isə yaralanmışdı. Qanlı Yanvar faciəsi zamanı Azərbaycanın müstəqilliyi uğrunda şəhid olan azərbaycanlılar və 1-ci Qarabağ müharibəsi zamanı şəhid olan 15 000-ə yaxın əsgər Şəhidlər Xiyabanında dəfn olunub. Məktəbin fəaliyyət planında qeyd edildiyi kimi məktəblilərin Şəhidlər Xiyabanını ziyarət etməsi davamlı olaraq təşkil olunur.
