Ceyhun Hacıbəylinin 125 illik yubileyi keçirildi
"Görkəmli yazıçı-publisist Ceyhun Hacıbəylinin Azərbaycan mühacirət mətbuatında yeri və rolu" mövzusunda seminar keçirildi.Onun publisistik və naşirlik fəaliyyətinə həsr edilən guşə yaradıldı. Seminarda şagirdlərin “Ceyhun Hacıbəylinin bədii yaradıcılığı”, “Ceyhun Hacıbəyli və Qarabağ folkloru”, “Ceyhun Hacıbəylinin siyasi fəaliyyəti” və digər mövzularda məruzələri dinlənilib. Məruzələrdə Azərbaycan ədəbiyyatının tanınmış nümayəndəsi Ceyhun Hacıbəylinin şəxsiyyəti, fəaliyyəti, publisistikası barədə ətraflı məlumat verilib. Bildirilib ki, dövrünün təəssübkeş,vətənpərvər ziyalılarından olan C.Hacıbəyli həm də müxtəlif mövzularda məqalələrin müəllifidir.
