“Yol Hərəkət Qaydalarına birlikdə əməl edək” adlı sinif təşkilat saatı keçirilib
Aprelin 8-də məktəbin ibtidai sinif müəllimi Gözəl Hacıyevanın rəhbərliyi ilə 1 "F" sinfində distant formada “Yol Hərəkət Qaydalarına birlikdə əməl edək” adlı sinif təşkilat saatı keçirilib.Gözəl müəllim şagirdlərin təhlükəsiz davranış qaydalarını öyrənməsi, onların yol hərəkəti qaydaları barədə bilik səviyyəsini və ona əməl etmək bacarıqlarını inkişaf etdirmək üçün maarifləndirici təqdimat hazırlamışdır.Təqdimatın məqsədi piyadaları özlərinin və başqalarının təhlükəsizliyi məqsədilə daha məsuliyyətli olmağa çağırmaq, ictimai nəqliyyatdan istifadə edən sərnişinlərə öz ictimai və vətəndaş öhdəliklərinə əməl etmək və hüquqları barədə maarifləndirmək olub.
