“Gənc fiziklərin yaradıcılıq müsabiqəsi”nin finalı keçirilib
Azərbaycan Texniki Universitetində (AZTU) Bakı şəhər məktəblilərinin fizika fənninə olan marağının daha da artırılması, onların bu sahədə bilik səviyyəsinin yüksəldilməsi və istedadlı şagirdlərin aşkara çıxarılması məqsədilə VIII-X sinif şagirdləri arasında 2016-cı ilin yanvar-mart aylarında “Gənc fiziklərin yaradıcılıq müsabiqəsi” keçirilib. Final mərhələsi aprelin 6-da AZTU-da yekunlaşıb. Tədbirdə final mərhələdə iştirak edən 275 saylı orta məktəbin X sinif şagirdlərinə sertifikatlar verilib.
