272 №-li tam orta məktəb

Şagirdin nailiyyətiHövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində Azərbaycan Cüdo Federasiyası və Azərbaycan Respublikası Gənclər və İdman Nazirliyinin birgə təşkilatçılığı ilə U-18 yeniyetmələr arasında cüdo üzrə Azərbaycan birinciliyi keçirilib. Məktəbin rus bölməsinin 11 “A” sinif şagirdi Davud Namazlı 90 kq çəki dərəcəsində yarışaraq II yerə layiq görülüb və diplomla təltif edilib.

Şagirdin nailiyyətiGənclər və İdman Nazirliyinin dəstəyi, “Arpaçay” karate klubu və Azərbaycan Milli Karate Federasiyasının (AMKF) birgə təşkilatçılığı ilə 20 Yanvar şəhidlərinin xatirəsinə həsr olunmuş “Arpachay Open” Beynəlxalq karate turniri keçirilib. Kata və kumite yarışlarında iştirak edəcək uşaq, yeniyetmə və gənc idmançılar bütün kateqoriyalar üzrə mübarizə aparıblar. Turnirdə 10-dək ölkədən, habelə paytaxt Bakıdan və Azərbaycanın əksər regionlarından 1500-dən artıq idmançı iştirak edib. Məktəbin 3 “B” sinif şagirdi Sevda Hümbətova da 8-9 yaş idmançılar arasında turnirdə iştirak edərək II yerə layiq görülüb və diplomla təltif edilib.

Şagirdin nailiyyətiMəktəbin rus bölməsinin 8 “K” sinif şagirdi İmran Qocayev “Sahibkar məktəbli” II respublika müsabiqəsində fəal iştirakına görə sertifikatla təltif edilib.