272 №-li tam orta məktəb

• Fərhad Mustafayev Adil
• Sinif: 7A
• Bölmə: Rus

Batut gimnastikası üzrə Azərbaycan millisinin üzvləri Niderlandın Alkmaar şəhərində keçirilən “Dutch Trampoline Open – 2024” turnirində uğurla çıxış ediblər. Sinxron proqramda qüvvəsini sınayan məktəbin rus bölməsinin 7A sinif şagirdi Fərhad Mustafayev bürünc medal qazanıb.

• Fərhad Mustafayev Adil
• Sinif: 6A
• Bölmə: Rus

Məktəbin rus bölməsinin 6 “A” sinif şagirdi Fərhad Mustafayev Portuqaliyada keçirilən “SCALABİSKUP” dünya kuboku uğrunda yarışda 3-cü yerə layiq görülüb, bürünc medal və diplomla təltif edilib.

• Rüzgar Efe Baran
• Sinif: 3A
• Bölmə: Rus

18 dekabrda keçirilən 4-cü Beynəlxalq Riyaziyyat Kopernik olimpiadasında məktəbin rus bölməsinin 3 “A” sinif şagirdi Rüzgar Efe Baran I kateqoriya üzrə iştirak edib, III yerə layiq görülüb və sertifikatla təltif edilib.

• Teymur Hüseynov Sədaqət
• Sinif: 5A
• Bölmə: Rus

26-27 noyabr tarixlərində Azərbaycan Karate Təşkilatının "Caspian Open" Beynəlxalq karate turniri keçirilib. Azərbaycan Milli Karate Federasiyasının dəstəyi ilə Bakı İdman Sarayında keçirilən yarışda 4 ölkədən 1000-dən artıq idmançı iştirak edib. Turnirdə 6-18 yaşlı uşaq, yeniyetmə və gənclər mübarizə aparıblar. Məktəbin 5 “A” sinif şagirdi Teymur Hüseynov 9 yaşarası 40 kq çəki dərəcəsində yarışaraq III yerə layiq görülüb və diplomla təltif edilib.

• Hafiz Hacıyev Tural
• Sinif: 7B
• Bölmə: Azərbaycan

Məktəbin 7 “B” sinif şagirdi Hafiz Hacıyev Beynəlxalq Riyaziyyat Olimpiadasında (“Fermat Mathematical Olympiad 2022”) III yerə layiq görülüb və sertifikatla təltif edilib.

• Teymur Hüseynov Sədaqət
• Sinif: 5A
• Bölmə: Rus

27-28 Avqust tarixlərində Bakı İdman Sarayında "Olympic Hopes 2022" beynəlxalq karate turniri keçirilib. Uşaqlar arasında təşkil edilən yarışda Küveyt, Qazaxıstan, Özbəkistan, Litva, Amerika Birləşmiş Ştatları və Azərbaycandan 6-13 yaş arası 450-dək azyaşlı idmançı iştirak edib. Yarışın idarə edilməsində iştirakçı ölkələrdən beynəlxlaq hakimlər qatılıb. Məktəbin rus bölməsinin 5 “A” sinif şagirdi Teymur Hüseynov 8-9 yaşarası kateqoriyada 40 kq çəki dərəcəsində 2 yerə layiq görülüb və diplomla təltif edilib.

• İmran Bağırov İlqar
• Sinif: 5K
• Bölmə: Rus

I Beynəlxalq Gənclər “Teeneogle” onlayn ingilis dili müsabiqəsində bürünc medala layiq görüldüyü üçün Sertifikatla təltif edilib.

• Emin Əhmədov Elnur
• Sinif: 3Ə
• Bölmə: Azərbaycan

Məktəbin 3 “Ə” sinif şagirdi Emin Əhmədov Ulu öndər Heydər Əliyevin anadan olmasının 98-ci ildönümünə həsr olunmuş “Zəfər” Beynəlxalq musiqi müsabiqəsində “Vokal və instrumental musiqi” nominasiyası üzrə 6-12 yaş uşaqlar arasında Qran-Pri qalibi olub və I kateqoriyalı diplomla təltif edilib.

• Emin Əhmədov Elnur
• Sinif: 2Ə
• Bölmə: Azərbaycan

Məktəbin 2 “Ə” sinif şagirdi Emin Əhmədov 9 may Faşizm üzərində qələbənin 75 illiyinə həsr edilmiş “Qələbə günü” adlı I onlayn festival-müsabiqəsində iştirakına görə I dərəcəli diplomla təltif edilib.

• Emin Əhmədov Elnur
• Sinif: 1Ə
• Bölmə: Azərbaycan

Məktəbin 1 “Ə” sinif şagirdi Emin Əhmədov “Payız əfsanələri” adlı Beynəlxalq incəsənət müsabiqəsində vokal nominasiyası üzrə I yerə layiq görülüb və diplomla təltif olunub.

• Elmir Yaqubzadə Emin
• Sinif: 7B
• Bölmə: Azərbaycan

Məktəbin 7 “B” sinif şagirdi Elmir Yaqubzadə Maxaçkala şəhərində teykvando üzrə keçirilən turnirdə 2008-2009-cu il təvəllüdlü oğlanlar arasında 28 çəki dərəcəsində 3-cü yerə layiq görülüb və diplomla təltif olunub.

• Kubra Heşimli Elçin
• Sinif: 8Ç
• Bölmə: Azərbaycan

Məktəbin 8 “Ç” sinif şagirdi Kubra Heşimli 24 iyun 2019-cu il tarixində İspaniyanın Barselona şəhərində Piano üzrə 13-15 yaşlı uşaqlar arasında keçirilən musiqi yarışmasında I yerə layiq görülmüşdür və diplomla təltif edilmişdir.

• Fərhad Mustafayev Adil
• Sinif: 1A
• Bölmə: Rus

Fərhad Mustafayev 2011-ci ildə fevralın 22-də  Bakı şəhərində anadan olub. 2015-ci ildən Bakı şəhəri Respublika İxtisaslaşdırılmış Olimpiya Ehtiyatları Uşaq-Gənclər gimnastika məktəbində idmanın Batut gimnastikası ilə məşğul olur. 2017-ci ildə 272 nömrəli tam orta məktəbin 1 “A” sinfinə qəbul olunub. Balaca olmasına baxmayaraq müxtəlif yarışlarda iştirak edib və diplomlarla təltif edilib. Balaca idmançımıza gələcək yarışlarda uğurlar arzu edirik.

• Sədaqət Abbasova İlqar
• Sinif: 8B
• Bölmə: Azərbaycan

Abbasova Sədaqət İlqar qızı 18 yanvar 2003-cü ildə Bakı şəhərində anadan olub. 2009-cu ildə 132-134 nömrəli Beynəlxalq Təhsil Kompleksinin 1-ci sinfinə qəbul olunub. 2010-cu ildən şahmatla məşğul olmağa başlayıb. 2012-ci ildə 10 yaşlılar arasında Bakı çempionatında 3-cü yerə layiq görülüb, "Naxçıvan Open" turnirində 10 yaşlılar arasında 1-ci yerə layiq görülüb, Gürcüstanın Poti şəhərində keçirilən "Nana Aleksandria Cup" turnirində 9 yaşlı qızlar arasında 1-ci yer, 10 yaşlı qızlar arasında isə 3-cü yerə layiq görülüb. 2013-cü ildə "Bakı Open" turnirində qızlar arasında 1-ci yerə layiq görülüb, UAE-nin Al Ain şəhərində keçirilən dünya çempionatında iştirak edib, "Naxçıvan Open" 10 yaşlı qızlar arasında 2-ci yerə layiq görülüb. 2014-cü ildə Gürcüstanın Poti şəhərində keçirilən "Nana Aleksandriya Cup" turnirində və Gürcüstanın Batumi şəhərində keçirilən Avropa çempionatında iştirak edib. 2015-ci ildə 12 yaşlı qızlar arasında Bakı çempionu, "Naxçıvan Open", "Batumi municipality Cup", "Abudhabi Open" yarışlarında iştirak edib. Eyni ildə Xorvatiyanın Porec şəhərində keçirilmiş Avropa çempionatında və Belarusiyanın Minsk şəhərində keçirilən "Blitz və rapid Avropa çempionatı" -nda iştirak edib, "Vuqar Gashimov memorial" turnirində 2-ci yerə layiq görülüb. 2016-cı ildə 14 yaşlı qızlar arasında Bakı çempionu, "Moscow Open", "Naxçıvan Open" və "Batumi municipality Cup" turnirlərində iştirak edib. 2017-ci ildə 14 yaşlı qızlar arasında Bakı çempionu və "Naxçıvan Open 2017" yarışında iştirak edib. 2016-cı ilin dekabr ayından 272 nömrəli tam orta məktəbdə təhsilini davam etdirir. Hazırda məktəbimizin 8 "Ç" sinfində təhsil alır.

• Teymuraz Axundov Məzahi̇r
• Sinif: 9B
• Bölmə: Azərbaycan

Axundov Teymuraz Məzahir oğlu 2002-ci il aprel ayının 1-də Bakı şəhərində anadan olub. 2008-ci ildən "Atatürk" liseyinin 1-ci sinfinə daxil olub. 6 il həmin liseyin əlaçı şagirdi olub. Bu 6 il ərzində çoxlu tərifnamələr və təşəkkürnamələr alıb. 2010-cu ildən şahmatla məşğul olmağa başlayıb. Şahmata həvəsi onu tezliklə 1 il içində bütün şahmat dərəcələrinin alınmasında birinci edib. Çoxlu xarici yarışlarda iştirak edib. Azərbaycanın rayonlarında keçirilən Respublika yarışlarında həmişə iştirak edib. Yüksək yerləri tutub. Antalyada, Serbiyada, Bolqarıstanda, Yunanıstanda, Batumidə, Avstriyada və müxtəlif ölkələrdə Open, Avropa Çempionatlarında yer tutub. Müxtəlif Openlərin qalibi olub. 2016-2017-ci ilin uğurları bunlardır. Azərbaycan Olimpiyadasının 1-si, Azərbaycan Təhsil Çempionu, Azərbaycan çempionu 2-ci, 3-cü yerlər, Bakı çempionu, Reytinqli Openin birincisi, Respublika üzrə komanda birincisi və müxtəlif yarışların qalibi olmuşdur. Hal-hazırda 272 nömrəli tam orta məktəbin 9 "B" sinfində oxuyur.

• Fidan Cavadova Vidadi
• Sinif: 5A
• Bölmə: Rus

Cavadova Fidan Vidadi qızı 27 sentyabr 2006-cı ildə Bakıda anadan olub. 2012-ci ildə Nizami rayonu 272 № li tam orta məktəbə qəbul edilib. 5 yaşından "Spartak" Könüllü Bədən Tərbiyyəsi İdman Cəmiyyətində bədii gimnastika ilə məşğul olur. İlk dəfə 2014-cü ildə Moskva şəhərində keçirilən Bədii gimnastika üzrə 3-cü açıq turnirdə çıxış edib. 2014-cü ildə Turkiyədə İstambul şəhərində keçirilən turnirdə iştirak edib.2015-ci ildə Bakı şəhərində "Təhsil" Respublika İdman Mərkəzinin keçirdiyi "Təhsil" kubokunda III yeri tutduğuna görə Diplomla təltif edilib. 2015-ci ildə "Spartak" KBTİC RŞ-nin açıq şəxsi birinciliyində I yeri tutduğuna görə Fəxri Fərmanla təltif edilib. 2016-cı ildə Bakı şəhərində keçirilən "Neftçi İdman Klubu"nun açıq birinciliyində II yer tutduğuna görə Diplomla təltif olunub. 2016-cı ildə Bakı şəhərində "Spartak" KBTİC RŞ-nin açıq-şəxsi birinciliyində II yeri tutduğuna görə Fəxri Fərmanla təltif edilib. 2017-ci ildə Bakıda 2006-cı il təvəllüdlü yeniyetmələr arasında bədii gimnastika üzrə "Spartak" KBTİC RŞ-nin açıq-şəxsi birinciliyində I yeri tutduğuna görə Fəxri Fərmanla təltif edilib.

• Mehin Taba-Tabai Səidağa
• Sinif: 6A
• Bölmə: Rus

Beş yaşından şahmatla məşğul olur. Doqquz yaşında şahmat üzrə I-ci dərəcə almışdır. Bir çox xarici yarışmalarda iştirak etmiş, üç dəfə respublika çempionu olmuşdur. O, Gürcüstanda keçirilən yarışların iştirakçısı olmuş, I və II yerə çıxmışdır. Dubayda keçirilən dünya çempionatında iştirakçı olmuşdur. Azərbaycanın bölgələrində keçirilən turnurlərdə iştirak etmişdir. 2013-cü ildə Qubada keçirilən çempionatda 2-ci yerin sahibi olmuşdur. 2013, 2014 və 2016-cı illərdə Bakıda keçirilən yarışlarda iştirak etmiş, 3-cü yerə çıxmışdır.