Bayraq mənliyimdir, bayraq kimliyim
2009-cu il noyabrın 17-də Azərbaycan Respublikasının Prezidenti İlham Əliyev Dövlət Bayrağı Gününün təsis edilməsilə bağlı Sərəncam imzalayıb. Həmin Sərəncama əsasən, noyabrın 9-u ölkəmiz Dövlət Bayrağı Gününü qeyd edir.
Məktəbdə keçirilən silsilə tədbirlərdən biri də noyabrın 8-də qeyd olundu. 3Ç sinif müəllimi Rəsmiyə Mehdiyeva şagirdləri ilə "Bayraq mənliyimdir, Bayraq kimliyim" adlı ədəbi-bədii gecədə iştirak etmişlər.
Məktəbliləri milli-mənəvi dəyərlərə, dövlət atributlarına hörmət, vətənə məhəbbət ruhunda tərbiyə etmək, onlarda vətənpərvərlik hissini yüksəltmək məqsədilə keçirilən tədbir kollektiv tərəfindən çox böyük maraqla qarşılandı. Azərbaycan Respublikasının Dövlət himninin səsləndirilməsi ilə başlanan tədbirdə şagirdlər bayraq, vətənpərvərlik mövzusunda şeirlər söyləyib, mahnılar oxuyub, rəqs etdilər. Çıxış edənlər bayrağımızın yaranma tarixi, ulu öndər Heydər Əliyevin Dövlət Bayrağı Gününün tarixi əhəmiyyətini vurğuladılar. Sonda bayram münasibətilə kollektivi təbrik edən məktəbin direktoru Qarat Qaratov bu günün qeyd edilməsini milli birliyimizin nişanəsi adlandırdı
