257 №-li tam orta məktəb

    “SOS Uşaq Kəndləri – Azərbaycan” Assosiasiyası İB-nin Elm və Təhsil nazirliyinin keçirdiyi qrand layihə çərçivəsində icra etdiyi “İCMA Mərkəzi” layihəsində iştirak edən 257 nömrəli tam orta məktəbin müəllimləri 12 may 2023 tarixində Qərbi Kaspi Universitetinin orta məktəbinə səfər etdilər. Səfərin əsas məqsədi özəl məktəbin təcrübəsini öyrənmək  idi. Səfər zamanı əvvəlcə məktəbin direktor müavini Nida Ədhəmzadə müəllimlərin suallarını cavablandırdı. Suallar əsasən dərsliklər, dərsin təşkili, inklüziv təhsil, sinfin idarə edilməsi və s. mövzuları əhatə edirdi.

    Nida xanımla görüşdən sonra müəllimlər məktəblə daha yaxından tanış oldular və məktəbin təcrübəsini öyrənmək üçün ixtisaslarına müvafiq olaraq siniflərdə dərsləri izlədilər.

    “SOS Uşaq Kəndləri – Azərbaycan” Assosiasiyası İB-nin Elm və Təhsil nazirliyinin keçirdiyi qrand layihə çərçivəsində icra etdiyi “İCMA Mərkəzi” layihəsinin üzvləri olan şagirdlər 11 may 2023 tarixində 7 saylı Asan xidmət mərkəzinə səfər etdilər. Layihənin məqsədlərindən biri məktəblilərin ölkənin qabaqcıl iş yerləri ilə  tanış edərək, gələcəkdə karyera planlamasına dəstək olmaqdır. Bu məqsədlə iştirak edən məktəblilər mərkəzdə keçirilən bütün xidmətlərlə birbaşa tanış olmaq imkanı əldə etdilər. Səfər zamanı əvvəlcə Asan xidmətin fəaliyyəti ilə bağlı şagirdlər məumatlandırıldılar. Sonra müxtəlif xidmət pəncərələrinə yaxınlaşaraq həyata keçirilən xidmətləri həm müşahidə etdilər, həm də Asan xidmətin əməkdaşları bu xidmətlərlə bağlı onları məlumatlandırdılar. 

    İkinci mərhələdə şagirdlər Asan könüllüləri və onların fəaliyyətləri ilə tanış oldular. Könüllülərin dəstəyi ilə “Əsgərə məktub” layihəsinə qoşularaq vətənin keşiyində duran əsgərlərə məktub yazdılar.

    Üçüncü mərhələdə şagirdlər Asan xidmətdə fəaliyyət göstərən müxtəlif layihələrlə tanış oldular. Əvvəlcə “İnnoland”-ə daxil olaraq müxtəlif layihələri həyata keçirən şəxslərlə söhbət etmək imkanı əldə etdilər. Ardınca “Bilim Baku” layihəsi ilə tanış oldular. “Bilim Baku” layihəsi çərçivəsində hazırlanan fənn lobaratoriyaları ilə tanış oldular. 

    Şagirdlər Asan xidmət mərkəzinə olan səfəri məmnunluq hissi ilə başa vurdular

    Azərbaycan Respublikası Prezidenti cənab İlham Əliyevin 18 iyun 2007-ci il tarixli Sərəncamı ilə iyunun 18-i ölkəmizdə "İnsan Hüquqları Günü" kimi qeyd olunur. 

Bununla bağlı iyunun 5-də məktəbin tarix müəllimi Səbinə Məlikova məktəblilərlə "Hüququnu bil və insan alverinin qurbanı olma" adlı dəyirmi masa keçirdi. İlk olaraq Azərbaycan Respublikasının insan hüquqları ilə bağlı beynəlxalq sazişlərə qoşulması, hüquqi mexanizmlərin təkmilləşdirilməsi və digər məsələlər ölkəmizdə insan hüquqlarına verilən dəyərin əsas göstəricisi olduğu vurğulandı. Dəyirmi masanın iştirakçılarına bu sahədəki mövcud qanunvericilik barədə məlumat verilərək, dövlətimizin uşaqlara göstərdiyi diqqət və qayğıdan danışıldı. 

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində 1 İyun-Uşaqların Beynəlxalq Müdafiəsi Günü ilə əlaqədar tədbirlər keçirilib.

Paytaxt məktəblərində təşkil olunan tədbirlərdə Uşaqların Beynəlxalq Müdafiəsi Günü haqqında şagirdlərə məlumat verilib. Bildirilib ki, 1950-ci il iyunun 1-də BMT Baş Assambleyası tərəfindən Uşaqların Beynəlxalq Müdafiəsi Gününün qeyd olunması qərara alınıb. Vurğulanıb ki, Azərbaycanda hər zaman uşaqların müdafiə olunması və onlara qayğı göstərilməsi istiqamətində çoxsaylı işlər görülür.

Tədbirlərdə çıxış edənlər Ulu Öndər Heydər Əliyevin uşaqlara olan diqqət və qayğısından danışıblar. Qeyd olunub ki, ölkə Prezidenti İlham Əliyevin uşaqların savadlı, sağlam və firavan böyüməsi, rifahının yüksəldilməsinə göstərdiyi qayğı və diqqət deməyə əsas verir ki, bu məsələ dövlət siyasətinin başlıca istiqamətlərindən biridir.

Eyni zamanda tədbirlərdə şagirdlər Azərbaycan və dünya xalqlarına məxsus mahnılar oxuyub, rəqslər ifa edib, şeirlər söyləyib və ədəbi-bədii kompozisiyalar nümayiş etdiriblər.

Bundan əlavə, tədbirlərdə Uşaqların Beynəlxalq Müdafiəsi Gününə həsr olunan fotostendlərə, şagirdlərin əl işlərindən ibarət sərgilərə baxış keçirilib.

    Uşaqların Beynəlxalq Müdafiəsi Günü – iyunun 1-də Heydər Əliyev Mərkəzinin parkında “Uşaq festivalı” keçirilib. Heydər Əliyev Fondu və Heydər Əliyev Mərkəzinin təşkilatçılığı, Elm və Təhsil Nazirliyinin tərəfdaşlığı ilə keçirilən festivalda müxtəlif yaş kateqoriyasında olan uşaqların hər biri öz maraq dairəsinə uyğun əylənə bilib. Belə ki, Ulu Öndər Heydər Əliyevin 100 illik yubileyinə həsr olunan tədbirlər çərçivəsində təşkil edilən festival zamanı Mərkəzin parkı uşaq şəhərciyini xatırladıb. Park müxtəlif mövzular və əyləncə növləri üzrə zonalara bölünüb. Burada balacalara bir-birindən maraqlı və fərqli əyləncələr, maarifləndirici proqramlar təqdim olunub. Hər bir uşağın asudə vaxtını səmərəli keçirməsinə, istedadını nümayiş etdirməsinə imkan yaradılıb.

    Mahnı oxuyub rəqs etməyi sevən uşaqlar üçün xüsusi ayrılan zonada səhnə qurulub, milli və müasir rəqslər üzrə ustad dərsləri keçirilib, uşaq-gənclər inkişaf mərkəzlərinin istedadlı uşaqlarının konsert proqramı təqdim edilib. Gənc astronomlar üçün ayrılan meydançada astronomiya elmi haqqında məlumatlar əldə etmək mümkün olub.

    Yüksək texnologiyaya maraq göstərən uşaqlar robotlar, dronlar və avia zonasındakı dərslərə qoşula bilib, idmansevərlər üçün isə mini turnirlər, yarışlar, interaktiv oyunlar, şahmat yarışları təşkil edilib.

    “Uşaq festivalı”nda balacaların ixtiyarına verilən meydançalardan biri də art meydançası olub. “Street art” məkanında asvalt üzərində rəsmlər çəkilib.

    Məktəbimizin şagirdləri  “1 İyun-Uşaqların Beynəlxalq Müdafiəsi Günü” münasibətilə Heydər Əliyev Mərkəzinin park hissəsində təşkil edilmiş tədbirdə fəal iştirak etmişdir.