Məzunlarla görüş
23 oktyabr 2019-cu il tarixində Ə.Abbasov adına 257 nömrəli tam orta məktəbdə 2008-2009-cu tədris ilinin məzunları ilə görüş keçirildi. Məktəb rəhbərliyi və fənn müəllimləri ilə mehriban görüşüb, səmimi söhbət edən məzunlar məktəb xatirələrini bölüşdülər.
Məzunlar məktəbin sinif otaqları, informatika kabineti, hərbi kabinet, fizika, kimya, biologiya laboratoriyaları, oxu zalı ilə yaxından tanış oldular. Müxtəlif peşə sahibi olan məzunlar 11 il təhsil aldıqları doğma məktəblərini unutmadıqlarını, məktəb xatirələrinin onların həyatlarında xoş bir xatirə kimi qaldığını, hazırkı peşə fəaliyyətlərindəki uğurlarına görə məktəbə və onlara dərs deyən müəllimlərə borclu olduqlarını bildirdilər.
