Əbədiyyət üfüqünün günəşi
Böyük Azərbaycan şairi İmadəddin Nəsiminin şərəfli adı Yaxın Şərqdə mərdlik, fədakarlıq və iradə rəmzi kimi hörmətlə çəkilir. Altı əsrdən artıqdır ki, məsləyi uğrunda dara çəkilib dərisi soyulan, son nəfəsində belə öz sözündən dönməyən bu mərd insanın faciəli ölümü onu əbədiyyət üfüqünün günəşinə çevirdi.
Azərbaycan Respublikasının Prezidenti İlham Əliyevin sərəncamına əsasən 2019-cu ilin ölkəmizdə “Nəsimi ili” elan olunması hər bir azərbaycanlıda iftixar hissi yaratdı. İnanırıq ki, “Nəsimi ili” çərçivəsində həyata keçiriləcək tədbirlər bu böyük şairin yaradıcılığının öyrənilməsində dönüş yaratmaqla yanaşı, yeni nəsimişünaslar nəslinin yetişməsinə səbəb olacaq.
Bu fikirlər məktəbimizdə İ.Nəsiminin həyat və yaradıcılığına həsr olunmuş tədbirdə səslənib.
Tədbirdə məktəbin ədəbiyyat müəllimləri, valideynlər və şagirdlər iştirak ediblər. Məktəbin Azərbaycan dili və ədəbiyyat müəllimi Arzu Hüseynovanın təşkilatçılığı ilə baş tutan tədbirdə 10 A sinfinin şagirdləri ilə yanaşı 6 Ç , 7 Ç, 7 C ,7 D və 11 C sinifinin şagirdləri də fəal iştirak etdilər.
Nəsiminin həyat yolu və yaradıcılığına aid çıxış edən tədbir iştirakçıları şair haqqında elm aləminə indi məlum olan yeni məlumatları çatdırıblar.Tədbir boyunca məktəbin şagirdləri Nəsiminin şeirlərini ifa ediblər.
