Zirvəyə ucalan Şahinlərimiz
Xətai rayonunda Heydər Əliyev adına Ali Hərbi Məktəbdə "Şahinlər" hərbi-idman oyunları üzrə Xətai rayon birinciliyi keçirilib. Məktəbimizin “Şahinlər” komandasıda bu birincilikdə iştirak etmişdir.
Yarışlarda 37 orta ümumtəhsil məktəbin komandası iştirak edirdi.
"Şahinlər" hərbi-idman oyunlarının keçirilməsində əsas məqsəd gənc nəslin hərbi vətənpərvərlik tərbiyəsinə diqqət və qayğının daha da artırılması, həmçinin şagirdlərin hərbi xidmətə hazırlanmasında köməkliyin göstərilməsidir.
Əvvəlcə komandalar təntənəli marşla tribuna önündən keçdilər. Yarışa qatılan 8-10-ci sinif şagirdləri sıra hazırlığı, sanitarların yarışı, mülkü müdafiə, fizikihazırlıq, çətin maneələrin dəf olunması və digər mərhələlərdə bacarıqlarını nümayiş etdirdilər.
Qələbə qazanan komanda Bakı şəhəri üzrə keçiriləcək "Şahinlər" hərbi-idman oyunlarının final mərhələsində iştirak edəcək.
Bu yarışda əzmlə iştirak edən komandamız bütün mərhələlərdə öz bacarığını nümayiş etdirdi.
