Tarixi qələbə
Məktəbimizdə Aprel zəfərinin üçüncü ildönümünə həsr olunmuş silsilə tədbirlər keçirilir.
2016-cı ildə baş vermis Aprel dğyüşlərinə həsr olunan “Aprel döyüşləri bizim şanlı tarixi qələbəmizdir” və digər mövzularda mühazirə və “Dəyirmi masa”lar, ədəbi-bədii kompozisiyalar təşkil edilib, sinif təşkilat saatları bu mövzuya həsr edilib.
Məktəbdə divar qəzetləri, təqdimatlar hazırlanıb, şagirdlərin mövzu üzrə rəsm əsərlərindən ibarət sərgilər də keçirilib.
Tədbirdə torpaqlarımızın azadlığı və bütövlüyü uğrunda şəhid olan vətən övladlarının, eləcə də aprel döyüşləri şəhidlərinin ruhu bir dəqiqəlik sükutla yad edilib. Ermənistan silahlı birləşmələri tərəfindən atəşkəsin pozulması zamanı dinc əhalinin intensiv atəşə tutulması, Azərbaycan Ordusu tərəfindən düşmən təxribatının qarşısının qəhrəmanlıqla alınması barədə şagirdlərə geniş məlumat verilib.
Bildirilib ki, Ali Baş Komandan İlham Əliyevin rəhbərliyi altında tezliklə torpaqlarımız düşmən işğalından azad ediləcək, üçrəngli bayrağımız Lələtəpə və Talış yüksəkliklərində olduğu kimi, doğma Qarabağımızın hər bir guşəsində dalğalanacaqdır.
Şagirdlər Aprel hadisələrinə həsr edilmiş şeirlər, mahnılar söyləyib, ədəbi-bədii kompozisiyalar nümayiş etdiriblər.Şagirdlərimiz bütün tədbirlərdə vətənə olan məhəbbətlərini nümayiş etdiriblər.
