Qızıl medala layiq görülən məzunumuz
Azərbaycan Respublikası təhsil nazirinin 10 avqust 2018-ci il tarixli F-548 nömrəli “Ümumi təhsil müəssisələrinin məzunlarının qızıl və gümüş medulla təltifi haqqında” əmrinə əsasən məktəbimizin 2017-2018-ci tədris ilinin məzunu İsmayılova Günel Vüqar qızı tam orta təhsili qızıl medalla başa vurmuşdur. Qızıl medalı təqdim edən məktəbin direktoru Qarat Qaratov şagirdimizi təbrik edərək ona uğurlar arzuladı. Öz növbəsində isə Günel və onun valideyni istedadlı gənclərə yaradılan şəraitə, diqqətə görə Azərbaycan Respublikasının Prezidenti cənab İlham Əliyevə, bütün bu prosesi şəffaflıqla, obyektivliklə aparan Azərbaycan Respublikasının Təhsil Nazirliyinə təşəkkürlərini ifadə etdilər.vMəzunumuza qızıl medalın təqdim olunması onunla yanaşı məktəbin şagird və müəllim kollektivinin sevincinə səbəb olmuşdur. Biz də bu sevinci onunla paylaşır, ona gələcək həyatında uğurlar arzulayırıq.
