Ekoloji monitorinq nədir?
Məktəbimizdə daim “Yaşıl Şəbəkə” ekoloji maarifləndirmə proqramının icrası ilə əlaqədar şagirdlərin iştirakı ilə tədbirlər təşkil olunur. Belə tədbirlərdən biri də 04 fevral tarixində baş tutdu. Ekologiya İdarəsinin baş mühəndisi Ayşən Vayiç və SOCAR-ın Ekologiya idarəsi Ətraf mühitin mühafizəsi üzrə böyük mühəndisi Mehriban Ələsgərova “Ekoloji monitorinq nədir?” mövzusunda seminar apardılar. Seminarda ekoloji nişanlama, Xəzər dənizində yerləşən neft-qaz yataqlarında aparılan ekoloji monitorinqlər, dəniz monitorinqi zamanı istifadə edilən avadanlıqlar, laboratoriya analizlərinin aparılması üçün istifadə olunan avadanlıqlar, metalların təyini üçün istifadə olunan cihazlar və s. barədə məlumatlar əldə etdilər.
Seminar şagirdlərin mövzu ətrafında suallarının cavablandırılması ilə davam etdi. Şagirdlərin marağına səbəb olan seminar məktəb rəhbərliyinin qonaqlara təşəkkürü ilə yekunlaşdı.
