Musiqili dünyamız
Oktyabrın 12-də məktəbin akt zalında musiqi müəllimimiz Orucova Könül və dərnək rəhbəri Mahmudova Səbinənin rəhbərliyi ilə “Musiqili dünyamız” adlı tədbir keçirildi. Tədbiri açıq elan etdikdən sonra aparıcılar musiqinin yaranma tarixi haqqında məlumat verdilər. Üzeyir Hacıbəyovun həyat və yaradıcılığı haqqında faktlar sadalandıqdan sonra onun “Koroğlu” suitası səsləndirildi. Şagirdlər “Arşın mal alan” operettasından ifa səsləndirdilər. Daha sonra şagirdlərin çıxışları və ifaları bir-birini əvəz etdi. Şagirdlərin ifasında “Qarabağ”, Sevil Əliyevanın “Anam”, “Gedək üzü küləyə”, “Küçələrə su səpmişəm” , “Anam Azərbaycan” , “Payız gəldi”, “Türkün bayrağı” , “Biz iki dövlət bir millətik” adlı mahnılardan ibarət musiqi çələngi təqdim olundu. Eyni zamanda şagirdlərimiz Azərbaycan rəqslərini məharətlə ifa etdilər.Tədbir boyunca bir-birinin ardınca Azərbaycan muğamları, Azərbaycan xalq rəqsləri haqqında məlumat verdilər. Tədbirin sonunda məktəbin direktoru Qarat Qaratov tədbir haqqında gözəl fikirlər söylədi. Bu tədbir şagirdlərin yaddaşında uzun müddət qalması ilə yanaşı, həm də onların estetik tərbiyəsində mühüm rol oynayacaq.
