Müsbət dinamika ilə keyfiyyətli təhsilə doğru
Ötən tədris ilində "Təhsildə keyfiyyət ili" ilə əlaqədar olaraq məktəbin rəhbərliyi və pedaqoji kollektivi qarşısında müəyyən vəzifələr qoyulmuş, bununla bağlı Faəliyyət Planı hazırlanmış və ondan irəli gələn məsələlər həll edilərək məktəb saytında ictimaiyyətə məlumat verilmişdir.
Verilən məlumatların ardıcıllığı olaraq ona bildirə bilərik ki , ötən “Təhsildə keyfiyyət ili”ni məktəbimiz müsbət dinamika ilə başa vurmuşdur.Belə ki , Bakı Şəhəri üzrə Təhsil İdarəsinin 2017/2018-ci tədris ilində ümumi təhsil məktəblərində təhsil almış IX sinif şagirdlərinin buraxılış imtahan nəticələri əsasında hazırlanmış Reytinq siyahısına görə məktəbimiz müsbət irəliləyiş göstərərək 74 pillə irəliləmişdir.
Bütün bunlar il ərzində məktəb rəhbərliyinin və pedaqoji kollektivin gərgin və məsuliyyətli əməyi nəticəsində əldə olunmuşdur. Belə ki , ötən tədris ilində məktəbdə buraxılış imtahanlarının nəticələrinə görə qeyri-müvəffəq nəticə göstərən şagirdlərin uğursuzluqlarının səbəblərinin araşdırılmış, müvəffəq qiymət alanların ümumi sayından keyfiyyətli nəticə göstərən (yüksək bal toplayan, "5" və "4"-"5" alanlar) şagirdlərin faiz hesabı müəyyənləşdirilmişdir.
Son 3 dərs ilində buraxılış imtahanlarında şagirdləri davamlı olaraq zəif nəticə göstərən müəllimlər müəyyən olunmuş onların tədris fəaliyyətləri davamlı olaraq izlənilmiş,müvafiq tədbirlər görülmüşdür.
Buraxılış imtahanlarının son 3 ildəki nəticələrinə görə, məktəbin buraxılış imtahanları aparılan fənlər üzrə müəllimlərinin keyfiyyət göstəricilərini əks etdirən cədvəl hazırlanmışdır.
Məktəbdə buraxılış sinif şagirdləri üçün imtahan fənlərindən qrafik üzrə müəyyən edilmiş vaxtlarda əlavə məşğələ saatları təşkil olunmuşdur.
