Şagirdlərin estetik zövqünü formalaşdıraq
Məlumdur ki, şagirdlərin estetik zövqünün formalaşmasında təsviri incəsənət dərslərinin xüsusi rolu var. Bu dərslər vasitəsilə şagirdlər müxtəlif bilik və bacarıqlara yiyələnirlər. Belə ki, onlar təsviri incəsənəti dünya mədəniyyətinin tərkib hissəsi kimi şərh edir, təsviri və dekorativ sənətin növ və janrlarını fərqləndirir, müxtəlif vasitələrdən istifadə edərək incəsənətin bir çox növlərində real və abstrakt şəkildə təsvir etməyi öyrənirlər.
Bütün bu bacarıqları formalaşdırmaq üçün isə peşəkar mütəxəssis – müəllim əməyi vacibdir. Məktəbimizin rəssam - müəllimi Sevinc Oqtay qızı Kərimova məhz belə müəllimlərdəndir. Onun gərgin əməyi nəticəsində şagirdlərimiz nəinki bu fənni sevir, həm də müxtəlif müsabiqələrdə iştirak edərək nailiyyətlər əldə edirlər.
