Müəllimimizin beynəlxalq forumda iştirakı
Məktəbimizin rus dili və ədəbiyyat müəllimi Qruşenkova Yelena Aleksandr qızı M.V.Lomonosov adına Moskva Dövlət Universitetinin Bakı filialında keçirilən “Mədəniyyətlərarası dialoqda təhsil” adlı beynəlxalq forumda iştirak etmişdir.Forumda Rusiya, Polşa, Almaniya, Çexiya, Misir, Bolqarıstan, Latviya, Ukrayna, Belarusiya, Türkiyə, Kanada, Serbiyadan olan professor-müəllim heyətinin üzvləri iştirak edirdi.
Azərbaycan Respublikası Təhsil nazirinin müavini Məhəbbət xanım Vəliyeva forumdakı çıxışında qeyd etdi ki , ölkə rəhbərliyi tərəfindən rus dilinin öyrənilməsi və tədrisinə xüsusi diqqət yetirilir. Respublika üzrə 342 ümumtəhsil məktəbində rus dili tədris olunur, 120 mindən çox şagird rus dilində təhsil alır.Bundan başqa 3086 məktəbdə rus dili xarici dil kimi tədris olunur.Həmçinin 14 ali məktəbdə rus dilində təhsil mövcuddur.
Forum daha sonra rus dilinin tədrisinə həsr olunmuş mövzularla davam etdi.
