Məktəbimizin fəxrləri
2017-2018 – ci tədris ilinin yekun qiymətləndirməsi göstərdi ki, məktəbimiz “Ümumi təhsildə keyfiyyət ili”ni yüksək nəticələrlə başa vurmuşdur. Belə ki, məktəbimizin bir məzunu 11 D sinif şagirdi İsmayılova Günel Vüqar qızı tam orta təhsili qızıl medalla başa vurmuşdur. Xatırladaq ki, Günel bu il keçirilən Fənn olimpiadalarının qalibi olmuşdur.
Bundan başqa tam orta təhsili başa vuran 9 (doqquz) şagirdimiz də tam orta təhsili fərqlənmə attestatı ilə bitirmişdir: 11 A sinif şagidləri Bağırova Nəzrin Oqtay qızı, Məmmədov Hikmət Sadiq oğlu, Şəbiyeva Nuranə Elsevər qızı, Vəliyeva Leyla Məmməd qızı, 11 B sinif şagirdi Cəfərova Arzu Elçin qızı, 11 C sinif şagirdi İmanov İman Səyyad oğlu, 11 D sinif şagirdi Ağasıyev Murad Elçin oğlu, Əlizadə Mehrixanım Kamran qızı, Hüseynli Aynur Behbud qızı. Adlarını çəkdiyimiz məzunlar qəbul imtahanında da fərqlənərək respublikanın nüfuzlu universitetlərinə qəbul olunublar.
2018-2019-cu tədris ili üzrə ali məktəblərin bakalavr pilləsinə qəbul imtahanlarının birinci turunun nəticələrinə görə məzunlarımızın 72 (yetmiş iki) faizi tələbə adını qazanıb. Onlardan dördü 600-dən çox, 6 nəfəri isə 500-dən çox bal toplamışdır.
2017-2018-ci tədris ilində ümumi orta təhsil üzrə fərqlənmə attestatına 6 nəfər şagirdimiz layiq görülmüşdür: 9 A sinif şagirdi Əlizadə Nuranə Kamran qızı, 9 Ç sinif şagirdləri Binnətov Cahangir Cəmil oğlu, Qasımzadə Kənan Şahbaz oğlu, Rəcəbov Fərid Aydın oğlu, 9 E sinif şagirdi İbrahimova Səkinə İbad qızı, Məmmədova Nərminə Ramiz qızı
Bütün şagirdlərimizi və kollektivimizi qazandıqları uğurlara görə təbrik edirik. Yeni tədris ilinə daha yüksək nəticələr əldə etmək istəyi, arzusu və məqsədi ilə başlayırıq.
