Ölməz əsərləri ilə unudulmayan sənətkar
İyunun 1-də məktəbimizdə böyük Azərbaycan şairi və dramaturqu Hüseyn Cavidin 135 illiyi ilə əlaqədar tədbir keçirildi.
Tədbirdə məktəbin direktoru ,həmçinin məktəbin müəllim və şagird kollektivi iştirak edirdi. Tədbir məktəbin Azərbaycan dili və ədəbiyyat müəllimi Binnətova Fatimə müəllimə tərəfindən təşkil olunmuşdu.
Tədbiri giriş sözü ilə məktəbin direktoru açaraq dramaturqun həyat və yaradıcılığından bəhs etdi, Ulu öndər Heydər Əliyevin ədibin irsinə daim yüksək dəyər verdiyini və yeni nəslin düşüncəsində, dünyagörüşündə Cavid obrazının canlanmasında, onun müasirimizə çevrilməsində dahi şəxsiyyət Heydər Əliyevin böyük xidmətləri olduğunu qeyd etdi.
Sonra böyük Azərbaycan şairi və dramaturqu Hüseyn Cavidin həyat və yaradıcılığına həsr olunmuş video slayd nümayiş olundu.
Tədbirdə məktəblilərin iştirakı ilə Hüseyn Cavidin əsərlərindən səhnələr təqdim olundu, eyni zamanda məktəblilərin ifasında ədibin şeirləri də səsləndirildi.
Qeyd edək ki, Cavid XX əsrdə Azərbaycanda türkçülük məfkurəsini daha yüksək zirvəyə qaldıran böyük ideoloq və bu ideyaları ədəbiyyata gətirən dahi şəxsiyyət olub. Hüseyn Cavid son dərəcə dərin məzmunlu yaradıcılığı ilə çoxəsrlik Azərbaycan ədəbiyyatı xəzinəsinə tarixi-mədəni dəyərlər bəxş etmiş qüdrətli söz sənətkarıdır. Mütəfəkkir sənətkarın neçə-neçə oxucu və tamaşaçı nəslinin estetik zövqünü müəyyənləşdirən əsərləri bu gün də öz monumentallığını və yüksək təsir gücünü qorumaqdadır.
