QƏLBLƏRDƏ YAŞAYAN ÜMUMMİLLİ LİDER
Xalq onu yaşadan, əvəzedilməz xidmətləri ilə ömrünü xalqa bağışlayan Ümummilli lideri heç bir zaman unutmur. Cəmiyyətimizdə hər xoş hadisədə onun müdrik sözləri xatırlanır, uzaqgörən siyasəti haqqında təhlillər aparılır. Hər bir azərbaycanlı onunla fəxr edir, onun qurub –yaratdığı Azərbaycanda yaşamaqdan qürur hissi keçirir. Hər zaman millətinin gələcəyi olan uşaqlara xüsusi qayğısı ilə yadda qalan Ulu öndərimiz şagirdlərin qəlbində, dilində məhəbbətlə xatırlanır, yad edilir. 6 dekabr 2017-ci il tarixində məktəbin ibtidai sinif şagirdləri məktəbin foyesində Ulu öndərin şəkli önünə tər çiçəklər qoyaraq ona olan sevgilərini dahi şəxsiyyətə həsr olunan şeirlərlə ifadə etdilər. Şahnaz Məmmədovanın rəhbərliyi ilə 4 Ə, Samirə Əliyevanın rəhbərliyi ilə 4 C, Maral Əliyevanın rəhbərliyi ilə 2 Ç sinif şagirdləri xalqın unudulmaz oğluna xoş və səmimi hislərini ədəbi-bədii kompozisiya ilə təqdim etdilər.
