Dünya Azərbaycanlılarının Həmrəylik Günü
28.12.2024-cü il tarixində məktəbimizdə 31 Dekabr Dünya Azərbaycanlılarının Həmrəyliyi gününə həsr olunmuş tədbir keçirildi.
“Dünya Azərbaycanlılarının Həmrəyliyi gününün dövlət bayramı kimi qeyd edilməsi xalqımızın milli azadlıq mübarizəsinin məntiqi nəticəsi olaraq artıq xoş ənənəyə çevrilmişdir.Qədim və zəngin tarixə malik olan Azərbaycan xalqının dirçəlişini,tərəqqisini və milli birliyini əks etdirən,onu müstəqil dövlətçilik uğrunda müqəddəs və məsuliyyətli mübarizəyə səfərbər edən həmrəylik günü hər bir azərbaycanlı üçün inam və ümid anıdır.Dünyanın müxtəlif ölkələrində milyonlarla soydaşımız yaşayır,işləyir,fəaliyyət göstərir.Buna baxmayaraq onların milli-mənəvi varlığını yaşadan yeganə bir dövlət var.Bu,müstəqil,suveren Azərbaycan Respublikasıdır.
